Компания тарихы

STANDARD CEMENT зауыты - Оңтүстік Қазақстан аумағындағы ең ірі және үлкен қаржылы жобалардың бірі. Зауыт барлық сапа және қауіпсіздік нормалары мен стандарттарына жауап береді . Бұл жерде жаңа технологиямен жүргізілетін жұмыс кәсіпорынның экологиялық таза өндіріс болып саналуына мүмкіндік береді.

Кәсіпорынның жобалық қуаты - жылына1 млн. тонна М400, М500 маркалы цемент. Цемент бағасының айтарлықтай төмен болуына мүмкіндік беретін энергорусурстарға жұмсалатын шығынның аз болуы біздің өндірістің ерекшелігі болып табылады. Тағы бір маңызды жағдай - экологиялық. Бүкіл зауыт бойынша қоршаған ортаға зиян келтіруден қорғайтын шаң аулағыштар орнатылған.

STANDARD CEMENT зауыты 2010-2014 жылдарға ҚР жеделдетілген индустриалды-инновациялық даму бағдарламасының аясында құрылған. Құрылтайшы - «Финансово-торговая промышленная корпорация «Онтустік» ЖШС. Тіркелу күні -17 сәуір 2006ж. Заңды тұлғаны тіркеу туралы куәлік - 24973-1958-Т00 Орналасқан жері - Оңтүстік Қазақстан облысы,Шымкент қаласы, Кызылсай Қызметтің негізгі түрі - цемент өндіру және тарату.

STANDARD CEMENT тарихы 2004 жылдың желтоқсанынан, ҚР экономика және сауда Министрлігінің Құрылыс істері комитетінің бұйрығының негізінде Оңтүстік Қазақстан облысында цемент өндіретін зауыт соғу туралы шешім қабылданған кезден бастау алады.

Standard Cement ЖШС құрылысы 2006 жылы басталды, 2010 жылы зауыт ойдағыдай қолданысқа берілді.

Бүгінгі таңда ЖШС «Стандарт Цемент» зауыты – Қазақстандағы цементті «құрғақ» әдіспен өндіретін жалғыз кәсіпорын . Дүние жүзінде осындай өндірістер саны жиырмадан кем. Тянь-Цзинь цемент өнеркәсібінің ғылыми-зерттеу институтының ғалымдары ұсынған қазіргі заманғы технологияларды қолдану бізге, дәстүрлі технологиямен жұмыс жасайтын заводтармен салыстырғанда артықшылықтар беріп отыр.